Хыялда беҙ бөтәбеҙ ҙә Навка

Фигуралы шыуыу - кемдәр генә был ярышты (ысынында, шоу) ҡарап иҫе китмәгән икән? Бәләкәстән шулай -  телевизорҙа күрһәтһәләр (әлеге һымаҡ йөҙләп канал юҡ, ике-өс кенә), экрандан күҙҙе алып булмай, әлбиттә, быларҙың бейегәненең нимәһен ҡарап баһалайҙар икәнен белеү, аңлау юҡ, әммә сығыштары бик матур. Мин дә булдыра алмаҫмынмы улар һымаҡ тип, быймаға бәйләнгән конькийың менән ауыл йылғаһының боҙонда маташып ҡарайһың, ҡайҙан, үҫкәс самый булыр тип алынған оло бәлтәңә уралып, шунда уҡ боҙҙа лапырайып ятаһың.

Әммә хыялда беҙ барыбер иң шәп фигуристар, өндә, ысын тормошта оса, йөҙә алмағанда ни эш? 

Бөгөн Сапсан-Ареналағы тамашаны ҡарағанда ла хыял донъяһына сумдыҡ, боҙҙа бынауы матур егет-ҡыҙҙар түгел, ә беҙ үҙебеҙ бейебеҙ.