Һөйөлөп йәшәгеҙ донъяла

Ул алға иң беренсе көндән үк сығып киткән ине, һуңғараҡ та, Һабантуйҙа ярышҡан иң шәп саптар ат һымаҡ, ҡалғандарҙы алға үткәрмәне. Финишҡа шулай килеп етте. Ул  - Беренсе!

Кем был тауыш биреүҙә ҡатнашҡан – барыһына ла ҙур рәхмәт, артта ҡалдым, урын алманым тип бойоғоусы булмаҫ, моғайын, квартира уйнатмайбыҙ, автомобиль йәки Дубайға путевка оттормайбыҙ, һеҙҙең өсөн иң мөһиме нимә икәнен беләбеҙ: тамашасы һөйөүе. Ошо һөйөү һеҙҙе ғүмерегеҙ буйына оҙатып барһын ине. Байрамың менән, Культура!