Бына һиңә бәләкәс!

Һабантуйҙың иң ҡыҙыҡ, иң көсөргәнешле ярышы - ат сабышы һәм көрәштер.
Ат сабышы тураһында яҙҙыҡ, көтә башланыҡ...
Йәштәр шәп беҙҙең. Абзыларын ҡыуып, хатта уларҙы уҙҙырып, үҫеп киләләр. Үҙҙәре көслө, үҙҙәре аҡыллы. Кемдең арҡаһы быйыл ер күрмәне, кем көрәштә барыһын еңде һәм һарыҡлы булды. Ильяс Келов. Беҙ быйылғы батырыбыҙҙы – Ильяс Илфат улын ихлас ҡотлайбыҙ, беренсе һарығың һуңғыһы булмаһын, быныһынан да бигерәк ата-әсәйеңде, көрәш майҙанында ғына түгел, тормош майҙанында ла гел еңеп, ҡыуандырып йәшәргә яҙһын һиңә!

Тулы вариантта барыһы ла гәзиттә биреләсәк.