+10 °С
Облачно
БОРСОУЛЫ ХӘЛ
30 Августа , 03:13
Балаларҙы юғалтабыҙ
Район хакимиәте мәғариф бүлеге Көйөргәҙе районында уҡыусылар һаны йылына йөҙгә кәмей, тигәйне. Күмертауҙа ла шул уҡ хәл, үҙегеҙ сағыштырып ҡарағыҙ.
Балаларҙы юғалтабыҙ
Күмертау мәктәптәрендә быйыл 6983 бала белем аласаҡ (үткән йыл улар һаны 7157 булған). Шуларҙың 583-ө мәктәп тупһаһына тәү тапҡыр аяҡ баҫа.
Сағыштырыу өсөн -2017 йылда ҡалала беренсе класҡа 752 бала килгән (бер йыл алда 834 булған).
Көйөргәҙенең белем усаҡтары быйыл 1683 бала өсөн үҙ ишектәрен аса, шуларҙың 130-ҙы тәүге тапҡыр парта артына ултырасаҡ. 2025 йылда районыбыҙҙа Белем көнөн 1737 уҡыусы ҡаршы алған, шуларҙың 147-һе беренселәр булған.
Сағыштырыу өсөн - районда 2017 йылда беренсе класҡа 252 бала барған (унан алдағы йылда – 273).
