Ҡотлоюлыма ҡайтып килгәндәй булдым

"Юшатыр" аша, ҡыҙыу мәлендә, әйтеп бөтә лә алмаҫ рәхмәттәремде, телдән килгәнсә, еткерергә булдым.
...Быйыл йәй, ул саҡта район башлығы вазифаһын башҡарған ауылдашым Урал Ибраһимов янына ингәйнем. Сәбәбе - машина кәрәк. Яу яланынан яралы егеттәрҙе алып сығырға, ҡорал-ғәләмәт ташырға. Машинаһыҙ беҙ - ике ҡулһыҙ. Һәм бына: Нива автомобилендә йөрөп тә ятабыҙ. Уны атайым ҡыуып алып килде. Машина буш килмәгән, эсе тулы гуманитар ярҙам - Ҡотлоюл ауылынан күстәнәстәр. Ауылыма ҡайтып килгәндәй булдым, рәхмәт һеҙгә, ҡотлоюлдарым! Рәхмәт, Урал Дамир улы, рәхмәт ошо машинаны алырға ярҙам иткән фермер Алес Мазитовҡа. 
Бөтәгеҙгә лә сәләмәтлек теләп, Денис Арыҫланов (Булат).