Йылдарығыҙ эҙһеҙ үтмәне

Оло байрамығыҙ – 85 йәшлек юбилейығыҙ менән ысын күңелдән ҡотлайым!
Һеҙ намыҫлы хеҙмәт менән йәшәп, оло хөрмәт яулап 85 йәшкә аяҡ баҫыуығыҙ – үҙе ҙур бәхет бит ул. Был бәхетегеҙгә беҙ ҙә шатланабыҙ.
Ғүмерегеҙ бушҡа йәшәлмәне, йылдарығыҙ эҙһеҙ үтмәне, ул йылдарҙы киләсәк быуынды тәрбиәләүгә, үҙегеҙгә лайыҡлы алмаш әҙерләүгә бағышланығыҙ. Һеҙҙең хеҙмәтегеҙ яҡташтарығыҙ, иптәштәрегеҙ, яҡындарығыҙ тарафынан оло баһаға лайыҡ. Киләһе йылдарҙа ла сәләмәт булығыҙ, балаларығыҙҙы, ейән-ейәнсәрҙәрегеҙҙе ҡыуандырып йәшәүегеҙҙе теләйем. Улар ҙа, мин дә һеҙҙең менән ғорурланырға хаҡлыбыҙ!
Рәүеф АБДУЛЛИН, Яҡшымбәт ауыл Советы депутаты