Үпкәләп ҡалған шикелле

Бына һиңә кәрәкһә, районды апаруҡ беләм тип йөрөгән кеше, ә Яңы Аллабирҙе (Татар Аллабирҙеһе) тигән ауылда булған юҡ икән. Ошондай матур ауылды күрмәй, ошоңарса нисек йәшәгәнмен - баш етмәй. Бик йәмле урында урынлашҡан ауыл. Егерменсе быуат башында ғына тиерлек барлыҡҡа килгән, тарихы оҙаҡҡа һуҙылмаҫҡа оҡшаған (йәл), бөтөп бара ул. 

- Бына бынауында клуб ине, анауында магазин. Гөрләп тора ине ул заманында. 

Һулға тартырға өйрәткән Мораптал ауылы башлығы Асҡар Кинжәлиев был, тарт тиеүе анһат, ауылды тапҡансы әллә нисә әйләнергә тура килде - йыраҡ ҡына икән. 

- Ана, күрәһеңме, Ырымбур өлкәһе Аллабирҙеһе, йәйәүләп тә барып етеп була бынан. 

...Ауылды ташлап киткәндә, ниңәлер, күңелгә ауырыраҡ булды, әйтерһең, ул кешеләргә үпкәләй һымаҡ ине.