Изге айыбыҙ дауам итә

Башҡа мөһим дини ғәмәлдәр менән бер рәттән, әлбиттә, Ифтарҙар үткәрелә.

Кис һайын, тәғәйен ваҡытта, бөтә мосолман ҡәрҙәштәр мәсеттәргә йыйыла.

"Ауыҙ астырған кеше йәһәнәм ғазабынан ҡотҡарыр. Аллаһ Тәғәлә уның белеп һәм белмәй ҡылған гонаһларын ярлыҡар. Ураҙа тотҡан берәй кешегә ауыҙ асырға, уны ризыҡландырған кешегә Аллаһ Тәғәлә ураҙа тотоу сауабтарын бирер, һыуһағанға һыу эсереүсене ғәрәсәт майҙанына саҡырмаҫ” - тигән. Бәйғәмбәрҙе тыңлап тороусы сәхәбәләр: “Ауыҙ астырырға хәлебеҙҙән килмәй бит” - тигәндәр. Мөхәмәд ғәләйһиссәләм уларға һөт ризыҡтары менән дә ауыҙ астырырға мөмкин тип аңлатҡан. Әгәр ифтарға саҡырһалар - барыр кәрәк.
Бәйғәмбәр ғәләйһиссәләм әйткән: “Кем саҡырылған ергә сәбәбһеҙ бармаһа, ул миңә ҡаршы килеүсе” - тигән.

Кисә беҙҙе лә саҡырҙылар, Күмертау дини Үҙәгенә. Бәйғәмбәр әйткәнде иҫтә тотоп, бармай ҡалманыҡ (һайлауҙар булды, арыныҡ тигән сәбәп ҡабул булмаҫын аңланыҡ). Бик күңелле һәм фәһемле осрашыуҙар, һөйләшеүҙәр була ул Ифтарҙа, быға кисә йәнә бер ҡат инандыҡ.

Ифтарҙар һәр ауылда бара, Ермолаево мәсетенең ишектәре лә кис һайын һәр иманлы кеше өсөн асыҡ (фотоларҙа кисәге Ифтарҙан күренештәр). Изге айыбыҙ дауам итә, тимәк, бай табын артындағы күңелле осрашыуҙар ҙа дауам итә.

Автор:

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45