Беҙҙең бурыс

Шулай уҡ улар ятҡан ерҙе тәрбиәләп тороу, беҙҙең бурыс. Күгәрсен районында яҡындарыбыҙ ятҡан зыяратты туғандарым улдарым менән кәртәләп ҡуйҙыҡ.
Минең ата-әсәйем күп йылдар элек Маяҡ ауылында төпләнә. Ул беҙҙең ғаилә өсөн тыуған ауылға әйләнә. Урындағы зыяратта атә-әсәйем, туғандарым ерләнгән. Күптән ул урынды тәртипкә килтерү ниәте менән йөрөй инем. Күп кенә ауылдаштар ҙа бындай уй ҡороп йәшәгән икән.
Былтыр, апрель айында, Маяҡ ауылының зыяратын кәртәләү эшен башлап ебәрҙек. Эш яйлы барып, аҙағына тиклем атҡарылып сыҡһын өсөн комиссия ла төҙөнөк. Мин уның рәйесе булараҡ ойошмаларға, предприятиеларға ярҙам һорап хат яҙҙым. Халыҡ та аҡса йыйыуҙан ситтә ҡалманы. Был изге эшкә битараф булмағандар барыһы ла ярҙам ҡулы һуҙҙы.
Ҡала хакимиәтенең территориялар менән эшләү буйынса начальнигы Савельев Иван Сергеевич килеп ҡала хакимиәте ниндәйерәк ярҙам күрһәтә алыуын билдәләне. Күмертау башлығы Олег Астахов Хәйриә фонды аша зыяратты кәртәләүҙә, мәсетте төҙөкләндереүҙә матди ярҙам күрһәтте. Санйын ауылы халҡы ла аҡса йыйыуҙа әүҙем ҡатнашты, кәртәләү эшендә ярҙам итте.
Ҡала ойошмалары "Күмертау йылылыҡ селтәрҙәре" директоры Цветков Александр матди, "Межрайкоммунводоканал" директоры Рөстәм Бураканов торбалар, "Санйын гипс эшкәртеү комбинаты" директоры Егор Коробкин матди, «Күмертаү психоневрология интернаты» директоры Максим Шпильков кәрәк-яраҡ материалдар менән ярҙам иттеләр. «Газпром газораспределение Уфа» филиалы директоры Рөстәм Исхаҡов эшләшергә егеттәр ебәрҙе. Улар ике тапҡыр килеп байтаҡ эштәр башҡарҙы.
Ойошторолған өмәләргә дәррәү ҡатын-ҡыҙҙар, ир-егеттәр сығып эш башҡарҙы.
Ваҡыты еткәс, барыбыҙҙың да бара торған аҙаҡҡы мәңгелек йорто матур тимер ҡойма менән уратылып ҡуйылды. Бында кешене һуңғы юлға оҙатҡанда ҡулланылған кәрәк-яҡтар һаҡлау өсөн будка һәм шулай уҡ сүп-сар контейнерҙары урынлаштырылды. Быйыл август айында башланған эште тамамлап ҡуйҙыҡ. Был изге эште атҡарып сығыр өсөн яҡынса 2 млн. һум аҡса сарыф ителде.
"Ойлтиммаш" яуаплылығы сикләнгән йәмғиәте директоры Денис Савутинға, "Маячный МЭЗ" яуаплылығы сикләнгән йәмғиәте директоры Владимир Емелинға, "Лесогротранс" яуаплылығы сикләнгән йәмғиәте директоры Азамат Яҡшыбаевҡа, "Сити Строй" яуаплылығы сикләнгән йәмғиәте директоры Салауат Яҡшыбаевҡа, "Бал-Транстехсервис" яуаплылығы сикләнгән йәмғиәте директоры Андрей Евченкоға матди, транспорт, материал менән ярҙам күрһәткәндәре өсөн рәхмәттәр юллайбыҙ.
Мәсетебеҙҙе төҙөкләндереп, тирә-яғын тәртипкә килтереп ҡуйыу ҙа күп көс талап итте. Зыярат кәртәләүҙән артып ҡалған, ҡала хакимәте, ике спонсор биргән аҡса был эште атҡарып сығыр өсөн ҡулланылды. Район һәм ҡалабыҙ имам мөхтәсибе Айнур Ҡәҙимов ҙур ярҙам күрһәтте. Йәй көнө биш тапҡыр өмәгә күмәкләп ир-егеттәр алып килде, улар иртәнән кискә тиклем эшләп, бик күп эштәр башҡарҙы. Уларға ҙур рәхмәт.
Мәсетебеҙҙе төҙөкләндереүҙә һәм зыяратыбыҙҙы кәртәләүҙә бик әүҙем ҡатнашҡандар: Мәҡсүт Вәлитов, Рәфҡәт Ялсыҡаев, Фәриҙә Семенова, Зәйтүнә Биембетова, Гранит Вәлиуллин, Ринат Садыҡов, Рушат Йәнбәков, Рәмил Йәғәфәров, Руслан Низамутдинов, Ниғмәт Ишмөхәмәтов, Радик Вәлиев, Ғәниә Ишмөхәмәтова, Фәнүзә Вәлиуллина, Миҙхәт Куҙаҡаев, Рәсимә Йәнбәкова, Антон Калашников, Мәнәүәрә Ғафарова, Дамира Хәмитова, Таһирйән Фәттәхов, Гөлсирә Фәттәхова, Лилиә Мортазина, Рәис Искәндәров, Геннадий Мостафин, Альберт Оркин, Николай Смирнов, Ринат Зарипов, Камил Әмирхановтарға ҡала һәм район мөхтәсибәтенең Рәхмәт хаттары менән бүләкләнде.
Изге эштә ҡатнашыусылар әруахтар рухын шатланғандырып үҙҙәренә ҙур сауаптар алырҙар. Ике ҙур эште атҡарып сығырға ярҙам иткәндәрҙең барыһына ла ҙур рәхмәттәр юллайым.
Сөләймән Ғәлим улы ЯҠШЫБАЕВ,
Күмертау һәм Көйөргәҙе районы имам-мөхтәсибе кәңәшсеһе, Маяҡ ауылының мосолмандар йәмғиәте рәйесе