Утһыҙ төн

Бар ҡала түгел, Көнбайыш биҫтәһенең бер өлөшө. Төш мәлендә һүнгән ут бөгөн таңда ғына барлыҡҡа килде (ҡайһы бер бәхетле йорттарҙа иртәрәк янған). Әкиәт супермаркеты кешеләр менән тулды: һеҙҙә шәм юҡмы? Хәйерсегә ел ҡаршы, бында шәм юҡ икән дә! Өйҙә свет булмағас, хет үҙеңде нимә менәндер алдаштырырға кәрәк, смартфондарҙың (байыраҡтарының айфондарының) зарядкаһы бөттө, һүгенә-һүгенә, бындай кешеләр ишек алдындағы машиналарына йүгерҙе, телефондарын зарядкаларға. 

Ғүмерҙәренең иң оҙон төнө ошо булды һымаҡ. Электрһыҙ зерә ҡыйын икән, боронғо кешеләр нисек йәшәгәндер, баш етмәй.