Иң ҙур юғалтыу

Беҙҙең күҙлектән сығып, йыл буйы нимә булған, 2023 йыл беҙгә нимә биргән, нимәне тартып алған... барыһын барларға тырыштыҡ (тулыраҡ гәзиттә бирелде).  

Йыл юғалтыуы.

Быйыл күп кешене мәңгелеккә оҙаттыҡ. Әммә был үлем башҡаларынан ныҡ айырылып тора. Мортаза бабайыбыҙ китеп барҙы. Уны маҡтаһалар ҙа, әрләһәләр ҙә, М. Рәхимов менән хушлашыу мәле барыһын да ғәҙел күрһәтте - ярата ине халыҡ Бабайҙы. Ысын мәғәнәһендә ил ағаһы булған шәхесебеҙ, уны һуңғы юлға оҙатҡанда, иламаған кеше ҡалманы, Өфөгә матәмгә беҙҙең район-ҡала кешеләре лә барҙы...

Тарихта, башҡа милли батырҙарыбыҙ менән бергә, Мортаза Рәхимов исеме лә алтын хәрефтәр менән яҙылып ҡалды. Тағы тыуырмы бындай шәхестәр?