Һәйкәлдәр — тереләр өсөн

Ялсыҡайҙар ҙа үҙҙәренең тыл геройҙарына стенд әҙерләгән. Исемлеккә 60 кеше ингән. Люция Тәлғәт ҡыҙы тылдыҡы булмаһа ла ысын герой бар тип, силсәүит әҙерләп ҡуйған картинаны Шәүәли Вахитовҡа тотторҙо. Яңы Таймаҫ силсәүите эштәр идарасыһы Ф. Валидова ла килеп етте, сығыш яһаны. Сығыш яһаусы һәр береһе һәйкәлдәр тереләр өсөн тигәндәй, был стендтағы исемлек үткәнде онотмаҫ өсөн йәштәргә кәрәк тине. Һәр береһенең тиерлек туғаны бар бит унда. Иң ҡурҡыныс нәмә аслыҡ тинеләр, ысында ла шулайҙыр. Күптәр икмәкте генә түгел, хикмәтте уйлап йәшәгән заман бөгөн барыбер, ни генә тимә.

9 декабрь,  2016 йыл