Мәрхүмдең йәне йәннәттә булһын

Ермолаево ауылы
Ошо көндәрҙә, бергә эшләгән хөрмәтле коллегам Рәшит Ғәрифулла улы ШӘРИПОВтың фани донъянан баҡыйлыҡҡа күсеүенә бер йыл булды.
Ул оҙаҡ йылдар район хакимиәтендә профессиональ водитель булып эшләне. Ул саҡта тәрбиә туплау маҡсатында семинар-кәңәшмәләргә күпләп йөрөй торғайныҡ. Рәшит Ғәрифулла улы үҙе йөрөткән автобусы менән, беҙҙе, ауыл советы хакимиәте башлыҡтарын, белгестәрен республикабыҙ буйлап йөрөттө.
Ул сабыр холоҡло, түҙемле, изге күңелле, ярҙамсыл, мул табынлы, ҡунаҡсыл кеше булып хәтеребеҙҙә һаҡланыр.
Рәшит Ғәрифулла улын белеүселәр, уның яҡты иҫтәлеген тик йылы һүҙҙәр, яҡшы хәтирәләр менән иҫкә алайыҡ.
Мәрхүмдең йәне йәннәттә булһын.
Рәүеф АБДУЛЛИН, Яҡшымбәт ауылы