Яңы йылым
Яңы йылым килә, өр яңы йыл
Яңы тыуған сабый төҫлө ул.
Иҫке йыл да төйнәп төйөнсөгөн
Тарих төпкөлөнә алыр юл.
Үпкәләрлек түгел үткән йылға,
Һынауҙарҙы бирҙе күберәк.
Беҙ йәшәгән гүзәл төбәктәргә
Яңы йылым килһен тиҙерәк!
Борсолоуҙар, ҡайғылар ҙа булды,
Тыныслығы бөттө күңелдең.
Һуғыш афәттәре тетрәндерҙе
Ҡәҙерҙәрен белдек ғүмерҙең.
Буралып та яуған аҡ ҡарҙарҙан
Еркәйемә нурҙар һибелә.
Атлап ҡына барған ҡарлы юлым
Мең төр балҡыштарға күмелә.
Сихри кистәр серле биләүенә
Ымһындырып әйҙәй күңелде.
Яңы йылдың яуған ҡарҙарынан
Өмөт нуры тама түгелме?
Өмөтләнеп сикһеҙ күккә бағам,
Ырыҫ менән килһен тыуыр йыл.
Аяҙ булһын күгем,тынһын һуғыш,
Тик аҡлыҡка илтһен барыр юл.
Руша СОЛТАНҒОЛОВА, Ермолаево ауылы
Бәхеткә
Ап-аҡ ҡарҙар яуа өйөрөлөп.
Сафлыҡ, паклыҡ ҡаплай ер өҫтөн.
Бәхет яуа, парлы йәрҙәр өсөн.
Бер йән итеп, итеп бер бөтөн.
Парһыҙҙарҙың йәтим күңелдәрен,
Хәсрәттәрен күмһен юҡ итеп,
Килер көнгә бәхет бүләк итеп,
Шатлыҡтарын бирһен, мул итеп.
Ынйы ғына, ап-аҡ ҡар бөртөгө.
Һәр бөртөгө ысын мөғжизә!
Селтәр-селтәр генә юрған ябынып,
Серем итә аҫыл ергенәм.
Тауҙар итәген дә урман йоҡлай.
Ап-аҡ толобона төрөнөп.
Ҡояш нуры, ҡар пәрҙәһе аша,
Йүгергеләй саҡ-саҡ күренеп.
Ҡарҙар яуа ергә, бурай- бурай,
Һәммәбеҙгә аҡ бәхет юрай.
Иртәгеһе көндәр килһен уңай.
Яуһын әле, ҡарҙар, гел шулай.
Яңы йылды ҡәршылап
Яңы йылды көтөп ала
Олоһо ла, кесеһе лә.
Ырыҫ, бәхет насип булһын
Донъяның бар кешеһенә.
Имен булһын тыуған илем,
Ҡағылмаһын һуғыш еле.
Тыныс атһын алһыу таңдар,
Аяҙ булһын һәр бер көнө.
Аҡ өмөттәр менән генә
Ҡаршылайыҡ Яңы йылды.
Табындарҙа яңғыраһын
Гәлсәр бокалдарҙың сыңы.
Аҡ ҡарҙарын бурай-бурай,
Шатлыҡ ,бәхет юрай-юрай,
Төклө аяҡтарың менән
Әйҙә,түрҙән үт,Ҡыш бабай!
Рима ИБРАҺИМОВА, Ҡотлоюл ауылы
Яңы йылға
Аҡҡош мамығынан түшәктә
Ҡыш бәүетә ерҙе бишектә.
Өйөп –өйөп тау – тау теләктәр
Яңы йылым көтә ишектә.
Уң аяғың менән, өр -яңы йыл!
Өмөт менән бағам, уҙ түргә!
Тик сафлыҡтан торған һил миҙгелем,
Тыныслыҡ бир яулы ил –ергә.
Ҡыҫып ҡосаҡлаһын уландары
Әсәйҙәрҙең йәшле күҙҙәрен.
Атай ҡараштары иркәләһен
Балаларҙың ихлас йөҙҙәрен.
Сәғәт – минутыңдың семтемен дә
Тәләфләмә һуғыш – афәткә.
Ҡан ҡойошто туҡтат, бөтһөн һуғыш,
Яңы йылым, изге сәғәттә!
Рима АРЫҪЛАНОВА, Күмертау ҡалаһы
Ҡыш
Ҡыш – мөғжизә. Әкиәттең
Тап ысыны.
Күрә белһәң, был миҙгелдең
Бар тылсымы.
Ҡыш – рәссам. Матур һүрәттәр
Өлгөләрҙә.
Иҫ китерлек һәләте бар
Был һөнәрҙә.
Ҡыш – йырсы. Үҙ көйөн һуҙа
Бурандарҙа.
Йырын йырлай келәм булып,
Ятҡан ҡар ҙа.
Ҡыш – мөхәббәт. Дөрләр сағы
Усаҡтарҙың.
Өй йылыһы, ҡайнарлығы
Ҡосаҡтарҙың.
Донъялар йәнә лә
Аҡ ҡарға төрөндө.
Ап-аҡ ҡар балҡыта,
Ҡараңғы көнөмдө.
Бар төҫлө бер тылсым,
Туҙғыған ҡарҙарҙа.
Аҡтан-аҡ теләктәр
Теләйем таңдарҙа.
Ҡул һуҙам ҡарҙарға,
Тынғыһыҙ елдәргә.
Сәләмдәр оҙатам
Һин ҡалған ерҙәргә.
Уята аҡ ҡарҙар,
Күңелдә аҡ өмөт.
Йәшәмәм болоҡһоп!
Йәшәмәм көрһөнөп!
Аҡ ҡарҙар ҡаплар ҙа,
Уңалыр яралар.
Һалырҙар аҡ күпер
Бәйләнер аралар.
Аҡ ҡына баҫҡан ер,
Күгем дә саф ҡына.
Йыуата аҡ ҡарҙар:
Күбенә күндегеҙ,
Түҙегеҙ саҡ ҡына.
Рәмилә ҠУЖАҠОВА, Иҫке Мораптал ауылы
Йылан йылына
Зинһар, тимен, йылан йылы,
Ағыуың сәсә күрмә.
Бәлә—ҡаза булған тоҡто
Ашығып аса күрмә.
Һин бит ифрат аҡыллыһың,
Кешеләй йүләр булма.
Аҡлыҡ—хаҡлыҡ урынына
Нахаҡтан түләр булма.
Йылан йылы яратыусан,
Өшөмәһен кеше лә.
Хыялы ашһын бойомға
Уңып торһон эше лә.
Әгәр самаларын белһәң,
Ағыу үҙе дарыу ул.
Мин ышанам, Йылан йылы
Башҡорт өсөн арыу ул.
Тимер НИӘТШИН, Илкәнәй ауылы
Яңы йылым килә, өр яңы йыл
Яңы тыуған сабый төҫлө ул.
Иҫке йыл да төйнәп төйөнсөгөн
Тарих төпкөлөнә алыр юл.
Үпкәләрлек түгел үткән йылға,
Һынауҙарҙы бирҙе күберәк.
Беҙ йәшәгән гүзәл төбәктәргә
Яңы йылым килһен тиҙерәк!
Борсолоуҙар, ҡайғылар ҙа булды,
Тыныслығы бөттө күңелдең.
Һуғыш афәттәре тетрәндерҙе
Ҡәҙерҙәрен белдек ғүмерҙең.
Буралып та яуған аҡ ҡарҙарҙан
Еркәйемә нурҙар һибелә.
Атлап ҡына барған ҡарлы юлым
Мең төр балҡыштарға күмелә.
Сихри кистәр серле биләүенә
Ымһындырып әйҙәй күңелде.
Яңы йылдың яуған ҡарҙарынан
Өмөт нуры тама түгелме?
Өмөтләнеп сикһеҙ күккә бағам,
Ырыҫ менән килһен тыуыр йыл.
Аяҙ булһын күгем,тынһын һуғыш,
Тик аҡлыҡка илтһен барыр юл.
Руша СОЛТАНҒОЛОВА, Ермолаево ауылы
Бәхеткә
Ап-аҡ ҡарҙар яуа өйөрөлөп.
Сафлыҡ, паклыҡ ҡаплай ер өҫтөн.
Бәхет яуа, парлы йәрҙәр өсөн.
Бер йән итеп, итеп бер бөтөн.
Парһыҙҙарҙың йәтим күңелдәрен,
Хәсрәттәрен күмһен юҡ итеп,
Килер көнгә бәхет бүләк итеп,
Шатлыҡтарын бирһен, мул итеп.
Ынйы ғына, ап-аҡ ҡар бөртөгө.
Һәр бөртөгө ысын мөғжизә!
Селтәр-селтәр генә юрған ябынып,
Серем итә аҫыл ергенәм.
Тауҙар итәген дә урман йоҡлай.
Ап-аҡ толобона төрөнөп.
Ҡояш нуры, ҡар пәрҙәһе аша,
Йүгергеләй саҡ-саҡ күренеп.
Ҡарҙар яуа ергә, бурай- бурай,
Һәммәбеҙгә аҡ бәхет юрай.
Иртәгеһе көндәр килһен уңай.
Яуһын әле, ҡарҙар, гел шулай.
Яңы йылды ҡәршылап
Яңы йылды көтөп ала
Олоһо ла, кесеһе лә.
Ырыҫ, бәхет насип булһын
Донъяның бар кешеһенә.
Имен булһын тыуған илем,
Ҡағылмаһын һуғыш еле.
Тыныс атһын алһыу таңдар,
Аяҙ булһын һәр бер көнө.
Аҡ өмөттәр менән генә
Ҡаршылайыҡ Яңы йылды.
Табындарҙа яңғыраһын
Гәлсәр бокалдарҙың сыңы.
Аҡ ҡарҙарын бурай-бурай,
Шатлыҡ ,бәхет юрай-юрай,
Төклө аяҡтарың менән
Әйҙә,түрҙән үт,Ҡыш бабай!
Рима ИБРАҺИМОВА, Ҡотлоюл ауылы
Яңы йылға
Аҡҡош мамығынан түшәктә
Ҡыш бәүетә ерҙе бишектә.
Өйөп –өйөп тау – тау теләктәр
Яңы йылым көтә ишектә.
Уң аяғың менән, өр -яңы йыл!
Өмөт менән бағам, уҙ түргә!
Тик сафлыҡтан торған һил миҙгелем,
Тыныслыҡ бир яулы ил –ергә.
Ҡыҫып ҡосаҡлаһын уландары
Әсәйҙәрҙең йәшле күҙҙәрен.
Атай ҡараштары иркәләһен
Балаларҙың ихлас йөҙҙәрен.
Сәғәт – минутыңдың семтемен дә
Тәләфләмә һуғыш – афәткә.
Ҡан ҡойошто туҡтат, бөтһөн һуғыш,
Яңы йылым, изге сәғәттә!
Рима АРЫҪЛАНОВА, Күмертау ҡалаһы
Ҡыш
Ҡыш – мөғжизә. Әкиәттең
Тап ысыны.
Күрә белһәң, был миҙгелдең
Бар тылсымы.
Ҡыш – рәссам. Матур һүрәттәр
Өлгөләрҙә.
Иҫ китерлек һәләте бар
Был һөнәрҙә.
Ҡыш – йырсы. Үҙ көйөн һуҙа
Бурандарҙа.
Йырын йырлай келәм булып,
Ятҡан ҡар ҙа.
Ҡыш – мөхәббәт. Дөрләр сағы
Усаҡтарҙың.
Өй йылыһы, ҡайнарлығы
Ҡосаҡтарҙың.
Донъялар йәнә лә
Аҡ ҡарға төрөндө.
Ап-аҡ ҡар балҡыта,
Ҡараңғы көнөмдө.
Бар төҫлө бер тылсым,
Туҙғыған ҡарҙарҙа.
Аҡтан-аҡ теләктәр
Теләйем таңдарҙа.
Ҡул һуҙам ҡарҙарға,
Тынғыһыҙ елдәргә.
Сәләмдәр оҙатам
Һин ҡалған ерҙәргә.
Уята аҡ ҡарҙар,
Күңелдә аҡ өмөт.
Йәшәмәм болоҡһоп!
Йәшәмәм көрһөнөп!
Аҡ ҡарҙар ҡаплар ҙа,
Уңалыр яралар.
Һалырҙар аҡ күпер
Бәйләнер аралар.
Аҡ ҡына баҫҡан ер,
Күгем дә саф ҡына.
Йыуата аҡ ҡарҙар:
Күбенә күндегеҙ,
Түҙегеҙ саҡ ҡына.
Рәмилә ҠУЖАҠОВА, Иҫке Мораптал ауылы
Йылан йылына
Зинһар, тимен, йылан йылы,
Ағыуың сәсә күрмә.
Бәлә—ҡаза булған тоҡто
Ашығып аса күрмә.
Һин бит ифрат аҡыллыһың,
Кешеләй йүләр булма.
Аҡлыҡ—хаҡлыҡ урынына
Нахаҡтан түләр булма.
Йылан йылы яратыусан,
Өшөмәһен кеше лә.
Хыялы ашһын бойомға
Уңып торһон эше лә.
Әгәр самаларын белһәң,
Ағыу үҙе дарыу ул.
Мин ышанам, Йылан йылы
Башҡорт өсөн арыу ул.
Тимер НИӘТШИН, Илкәнәй ауылы