Эш бөткәс, уйнарһығыҙ

БРГИ-лағы конференция башланыр алдынан уҡыу йортон әйләнеп сыҡтыҡ. Йолаһы шулай. Күп осраҡта шулай була: кәрәк икән кәрәк тигән һымаҡ, эйәртенешеп йөрөйһөң, экскурсия бик күңелле, ылыҡтырғыс булмай. Был юлы ялҡырға ирек бирмәнеләр - гимназистарҙың белмәгән һөнәре юҡ икән. Йәнә шуныһы мөһим: үҙенсәлекле булды күргәҙмәләре. Донъяла әле ҡайҙа бар икән, мәҫәлән, ағинәйҙәрҙең уҡыу йортонда йәшәп-эшләп йөрөүҙәре? БРГИ уларға махсус бүлмә биреп ҡуйған, әйҙә, балаларға, рәхәтләнеп, йолаларҙы өйрәтегеҙ. Атаҡлы рәссамдарҙың билдәле рәсемдәрен тере килеш күрҙек, йәғни, балалар шул картиналағы күренештәге геройҙар һымаҡ, тәсмә-тәс кейенеп, ысын донъяға күсергән. Батырлыҡ дәрестәре, волонтерҙар... Музыка класы. Кәйефтәр шәп саҡ, Йәүҙәт абзый тальянда уйнап ебәргәйне, тотондолар бейергә, саҡ туҡтаттыҡ, эш бөткәс уйнарһығыҙ...

Репортаж киләһе һанда гәзиттә баҫыла.