Нисәү ябыла?

Һәр хакимиәттә эшләгән вазифалы кешеләрҙең һәр береһенең үҙ сфераһы, яуаплы өлкәһе була. Кисә бер түрәкәйгә шылтыратҡас (алдан осрашырға  һөйләшелгән ине, ваҡытын билдәләйек тип шылтыратабыҙ), был трубканы алды ла, телефондың теге осонда кем икәнен дә һорап тормай:

- Даааа! - тип екерҙе. Бына ғәләмәт, ә әгәр ҙә беҙ түгел, берәй ата-әсә йәки уҡытыусы шылтыратһа? 

- Фәләниә Төгәновна... 

- Я занята! - трубканы ташланы. Нисәмә йыл эшләп, башлыса, компетенциялы, тәрбиәле, тотанаҡлы кешеләрҙе генә осратҡанғамы, һүҙһеҙ ҡалдыҡ. Әллә бер бирләнгәндә, видеокамераны тоҡандырып, барырға янына? Ҡыҙған сағы, беҙгә быныһы бик ҡулай, әйҙә, екерһен ине. Бөтә ғаләмгә күрһәтәбеҙ - ниңә бындай кеше ундай вазифа биләй? Бер аҙҙан һыуындыҡ. Эт менән эт булма тигәне еңде, тиҙәккә тейһәң үҙең һаҫырһың тигәне лә ролен үтәне. Ҡыҫҡаһы, район башлығы вазифаһын башҡарған А. Сәйфуллинға шылтыраттыҡ. Башлыҡ беҙҙе ихлас ҡабул итте, ҡәһеүә янында ихлас ҡына байтаҡ темаға һөйләшеп ултырҙыҡ, теге, беҙҙе йонсотҡан, һорауҙарҙы бирҙек.

- Азамат Зәкәриә улы, быйыл районда нисә мәктәп ябыла?...

Былар турала йома көнө гәзиттә баҫыла.