Балаҫ бүләк иттеләр

Динара менән Роксана Буранбаевтар балалар өсөн башватҡыстар төшөрөлгән иҫ китмәле балаҫ бүләк иттеләр. Динара менән Роксана класташтар булдылар. Икеһе лә ауылыбыҙ мәктәбен тамамланылар. Матур ғаилә ҡороп, ул һәм ҡыҙ үҫтерә йәштәр. Бүләктәре өсөн Буранбаевтар ғаиләһенә ҙур рәхмәттәребеҙҙе еткерәбеҙ. Бәләкәй ҡыҙ һәм малайҙарҙы ҡыуандырыуҙарына Хоҙай Тәғәлә үҙҙәрен йыуандырһын. Бәхетле, мул, имен тормош теләйбеҙ һеҙгә.
Ошондай изге күңелле, оло йөрәкле, мәрхәмәтле балалар тәрбиәләп үҫтергән өсөн уларҙың ата-әсәләре Розалия Борһан ҡыҙы Буранбаеваға һәм Ришат Хәфиз улы менән Нәзиә Сәхиулла ҡыҙы Сыңғыҙывтарға ла рәхмәтлебеҙ. Балаларығыҙ башҡарған мәрхәмәтлелек һеҙҙең өсөн ҙур ғорурлыҡ. Афариндар, тыныс тормошта, иҫән-һау йәшәргә яҙһын.
Сания КҮЗБАЕВА, Ырымбур өлкәһе, Төйлөгән районы, Аллабирҙе ауылы