+17 °С
Облачно
Мәғариф
30 Мая , 04:09
Ғәҙәти булмаған иртәлек
26 май көнө ҡаланың Мөхәмәт Исҡужин исемендәге Прогимназияһының балалар баҡсаһында "Аҡбуҙат" мәктәпкәсә әҙерлек төркөмөнөң сығарылыш иртәлеге булып үтте. Был иртәлек ғәҙәти түгел, башҡорт халҡының мәшһүр эпосы Урал Батыр стилендә ойошторолдо. Зал да ошо эпос һүрәтләмәләренә таянып биҙәлгәйне.
Ғәҙәти булмаған иртәлек
Балалар иртәлектә үҙҙәренең баҡсала алған белемдәрен күрһәтеп, ата-әсәләрҙе ҡыуандырҙылар, дәртле бейеүҙәре, йырҙары, шиғырҙары менән һәр кемдең күңелен арбанылар.
Сараны йәмләп, Урал батыр менән Һомай персонаждары килеүе - үҙе бер матур күренеш булды. Улар балалар менән бергә уйнап, бейеп, матур теләктәрен теләнеләр.
Ата-әсәләр балаларҙы ҡотлап, иң изге теләктәрен әйттеләр һәм бүләктәрен бирҙеләр. Тәрбиәселәренә бағышлап, матур йыр бүләк иттеләр.
Прогимназия етәксеһе Ғәббәсова Лена Дим ҡыҙы балалар баҡсаһы тормошонда әүҙем ҡатнашҡан ата-әсәләргә Рәхмәт хаты, тәрбиәләнеүселәргә Маҡтау ҡағыҙы тапшырҙы.
Ҡәҙерле балаларыбыҙға мәктәп тормошонда тик уңыштар ғына теләйбеҙ! Аҡ юл һеҙгә, балалар!
