Заманы шулай: әҙәм балаһы эште нисек тә еңеләйтергә теләй. Һәм отола ахры. Эсәк йыуыу - үҙе бер күңелле мәшәҡәт. Илкәнәйҙәр кер йыуыу машинаһын кер йыуыу өсөн тотона, эсәкте, боронғоса итеп, үҙҙәре, яйлап, тәмен белеп йыуа. Ошо ялдарҙа Буранғоловтар ғаиләһе һуғым һуйған.
Итте, ботон ботса, ҡулын -ҡулса итеп турағандар, эсәктәр ҙә тейешле еренә урынлаштырылған. Ҡыш оҙон. Алда - Яңы йыл. Һый өҫтәле, тимәк, мул буласаҡ.