+21 °С
Болотло
Мәҙәниәт
17 Апрель 2023, 05:39
Йөрәктәрҙә ҡал
- Линар, һине күптән күргән юҡ, эштәрең нисек бара?
Йөрәктәрҙә ҡал
Үткән аҙнала Линар Белыйҙы РПЛИла тап иттек, ул йыр конкурсын баһаларға тип килгәйне. Әлбиттә, йырланы ла, балаларҙе бер туйғансы бейетте.
- Хәлдәр һәйбәт, юғары уҡыу йортона ингән инем - ташланым. Әле, Ризуан Хәкимов менән бергә, концерттар ҡуйып йөрөйөм.
- РПЛИ һағындырамы?
- Һағындырмай ни, был мәктәпкә бәйле, бик күп йылы хәтирәләр ҡалған.
- Репертуарыңа кемдең йырҙары ингән?
- Күбеһе Ризуан ағайҙың йырҙары.
- Һинең аудиторияңды уртаса йәше нисә тиһәләр, нисек яуап бирер инең?
- Әллә. Бәләкәй баланан алып оло кешегә тиклем.
- Һине яратҡан тамашасы, моғайын, концерттан һуң бүләк бирәлер. Иң ҡыҙыҡ, хәтереңдә ҡалған бүләк ниндәй булды?
- Сибайҙа, тамашанан һуң, бер ҡыҙ ниндәйҙер ҡумта бүләк итте. Аҙаҡ асып ҡараһам, эсендә бесәй балаһы ята. Аптыраҡ, быны нимә эшләтергә? Йөрөтә торғас, бер ауылда, яңы хужа табып, ҡалдырып киттем.
- Уңыштар һиңә, бер йырыңда йырланғанса, тамашсы йөрәгендә һиңә мәңгегә ҡалырға булһын.
P.S. Линар тиҙҙән Күмертауға концерт менән килә.
