Ҡотлайбыҙ!

Баш ҡалабыҙҙа үткән “Медиайыйын”да БСТ-ла эшләүсе яҡташыбыҙ Юлиә Сәлтәшеваның да хеҙмәте юғары баһаланды. Уға БР Матбуғат һәм киң мәғлүмәт саралары агентлығының Почет грамотаһы тапшырылды.
“Хатта быуындарым ҡалтырап китте. Минең хеҙмәтемде күрә белеүҙәре, юғары баһалауҙары өсөн рәхмәт. Бигерәк тә Рита Өматбеваға рәхмәтем сикһеҙ. Ул йәштәрҙе күрә лә, үҫтерә лә белә. Киләсәктә лә яратҡан эшемдә ҡанатланып эшләйәсәкмен”, - тип шатлығы менән бүлеште Юлиә.