Не грусти, Мармеладка

Мәләүез - алыҫ ара ер түгел.

Һә тигәнсе бараһың да етәһең. Бигерәк тә, яратҡан артисыңдың концерты унда булһа!

Бигерәк тә был артист Илсөйә Бәҙретдинова булһа! Ике көн буйына Мәләүез юлын тапаныҡ (был ҡалалағы юлдар ҙә хәтәр икән). Күмертау менән Көйөргәҙе ярты залды тултыра яҙҙы.

Илсөйә (эх, бигерәк сибәр ҡатын) һәр саҡтағыса тамашасы менән дә аралашты. Бер ир үтә бойоҡ ултырғандай тойолдо йырсыға, ни булды тип, хәлен белеште, бәлки, ҡатының көсләп алып килгәндер концертҡа?

Юҡ, әлбиттә, үҙе теләп килде, профессияһы шулайыраҡ тип аңлаттылар, артыҡ көлөргә ярамай. Илсөйә ирҙең күңелен барыбер күтәрҙе - не густи, Мармеладка.

"Мармеладка" йылмайҙы. Кем-кем Илсөйә уны кәнфиткә тиңләне, бындай маҡтауҙы хатта үҙенең ҡатынынан да ишеткәне юҡ. Моңһоу ир ҡайтып еткәнсе йылмайып ҡайтты, хатта йоҡлағанда ла йылмая ине. Әллә төшөндә Илсөйәне күрҙе?

Автор:

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45