Мәрхәмәтле "Айгөл"

"Айгөл" балалар баҡсаһы, күптәр белә, бер саранан да ситтә ҡалмай, был юлы ла ныҡлап тотонғандар. Йәрминкәһе бит ябай алыш-биреш итә торғаны түгел, ә мәрхәмәтлек йәрминкәһе. Үҙеңдән насарыраҡ тойғандарға, мохтаж булғандарға гел ярҙам итергә кәрәк тип өйрәтә көн дә апалары, шуға, ҡыуана-ҡыуана, әлеге сарала ата-әсәләре менән бергәләп ҡатнашҡандар. Бөгөн балалар кемгәлер ярҙам итеү кешегә ниндәй шатлыҡ килтерә икәнен үҙ күңелдәре менән тойған.