Күберәк булһын

Ҙур ҙа түгел был бүләк, күберәге күңел өсөн тип бирелгән әйбер, шулай ҙа, уны килеп алған йәштәрҙе күреп, күңелдәр ҙур шатлыҡҡа тулды.

Дамир менән Хәнифә Килмәтовтар барыһын һоҡландырырлыҡ йәш ғаилә. Бүләкте уларҙың әсәләре Лилиә апай отҡан икән. Биш бала әсәһе бөгөнгө көндә, тормош иптәше менән, Кинйә-Абыҙ ауылында, гөрләтеп, донъя көтөп ята. Биш балаһы хаҡында ла оло ғорурлыҡ менән әллә күпме әйтергә була - һәр береһе тормошта үҙ урынын табып (икеһе әле уҡый - береһе нефтяник, икенсеһе - табип булам ти), матур йәшәйҙәр. Бына ошо хәлгә әле беҙҙең ҡыуанып ултырыш. Донъя йәштәргә ҡала, Лилиә Килмәтованыҡы кеүек балаларыбыҙ күберәк булһа, киләсәгебеҙ шәп булырға тейеш. 

Ҡотлайбыҙ!