+7 °С
Облачно
Мин инде күптән хаҡлы ялда, хеҙмәт ветераны. Күҙҙәр насар күрһә лә "Юшатыр" гәзитен көтөп алам, һәр битен ентекләп уҡыйым. Ҡай ваҡыт 1 күҙлек менән хәрефтәр насар күренһә, 2-се лупа күҙлек кейеп уҡыйым. Гәзитте уҡып сыҡһам күңелгә рәхәт, тыныс булып ҡала. Барлыҡ район яңылыҡтары менән танышам, фәһем алырлыҡ материалдар бик күп. Фотографияларын да ҡабат-ҡабат ҡарайым. таныш йөҙҙәр юҡмы икән, тип.
"Юшатырыбыҙ" оҙон ғүмерле булһын, ул беҙҙе илата ла, йыуата ла.
Редакция хеҙмәткәрҙәренә эштәрендә ҙур уңыштар теләйем, ғаилә бәхете, иҫәнлек-һаулыҡ, балалар ҡыуанысы теләйем, күктәребеҙ аяҙ, илдәребеҙ тыныс булһын. Ҙур-ҙур рәхмәт һеҙгә, барығыҙға ла.
Бик яратам мин "Юшатырҙы",
Уны яратмау мөмкин түгел...
Мәрйәм ЯҠУПОВА, Абдул ауылы