Насип ризыҡ

Бына был бал менән дә шулайыраҡ. Әллә ҡайҙарҙа - ялан-ҡырҙарҙа - үҫкән сәскәләрҙең иң шәрбәтлеһен, гүзәлен һайлап ҡына, арыу белмәҫ бал ҡорттары уны йыйған, аҙаҡ хужа кеше был тәғәмде, бер тамсыһын да әрәм итмәй, ағыҙып алған, һауыттарға тултырған. Һуңынан, тап беҙгә тип, өс литрлы банкаға ҡойған, бал, кемдең ауыҙына кереп ятырын да белмәй, алама юлдар буйлап, һикерә-һикерә, әллә нисә саҡырым юлды үткән. Һәм бына, әле беҙҙә ултыра. Насип тиһәң дә, беҙҙең өлөшкә төшкәне түгел ул, ә уҡыусыларыбыҙға тип тәғәйенләнгән бал. 

Тиҙҙән уны уйнатабыҙ, һеҙҙән квитанциялар көтәбеҙ, кемгә насип булды был бал - тиҙҙән белербеҙ.