Күңелдәр таҙа булһын

Килеп тә инделәр, шаяртыу, ихлас йылмайыуҙары менән беҙҙең кәйефтәрҙәе бермә арттырып та ебәрҙеләр. Ысынында улар отҡан бүләктәре артынан килгәндәр, тик бер-беребеҙҙе күптән белгән таныштар кеүек был турала онотолоп йәшәйеш, донъя хәле тураһында ихласлап һөйләшеп алдыҡ та киттек.
- Ике ул, бер ҡыҙға ғүмер бүләк итеп, оло тормош юлына баҫтырҙыҡ. Мин инде хаҡлы ялда, колхозда һауынсы булып эшләнем, атҡаҙанған ауыл хужалығы хеҙмәткәре, тигән исемем дә бар, - тип йылмайҙы Рәзилә апай.
- Ысынмы, - беҙ ауылда үҫкән балалар өсөн, ябай ауыл эшсәндәренә ошондай оло баһа биргәндәрен ишетһәк, был исемде үҙебеҙ алғандай ҡыуанабыҙ, ғорурланабыҙ.
- Аллаға шөкөр, хаҡлы ялға сыҡһам да бөгөнгө көндә лә колхозда эшләп йөрөйөм, ауыл кешеһенә өйҙә тик ятыу килешмәй ул, - тип һүҙгә ҡушылды Ринат ағай.
- Квитанцияға исемде дөрөҫ яҙмағандар, халыҡта мине шулай тип йөрөтәләр, ысынында мин Рәзилә ул. Бүләк отҡаныбыҙҙы белгәс ҡыуандыҡ, яратҡан гәзитебеҙгә беҙҙе ҡыуандырып торғандары өсөн рәхмәт, иҫән-һау эшләгеҙ, - тип теләктәрен теҙеп алып китте апайыбыҙ.
Беҙ ҙә үҙ сиратыбыҙҙа бүләк отоусыларҙы ҡотлап, уларға изге теләктәребеҙҙе юлланыҡ, машина ҡалаға килеп еткәнсе саңға бутала ла ҡуя ( ул яҡтарҙың юлдарын яҡшы беләбеҙ), шуға күрә, машина бысраҡ булһа булһын, күңелдәр һәр ваҡыт бына һеҙҙекеләй таҙа, саф, ихлас булһын, тигән теләктә оҙатып ҡалдыҡ ҡунаҡтарҙы.