Таймаҫтар ныҡ сознательный халыҡ, һайлау тигәс, иртәндән үк, йыйынышып, участкаларына килеп тә еттеләр

Таймаҫтар ныҡ сознательный халыҡ, һайлау тигәс, иртәндән үк, йыйынышып, участкаларына килеп тә еттеләр. Йәше лә, ҡарты ла. Мәҫәлән, 83 йәшлек Фәрихә инәй Солтангәрәева. Өйҙә генә үҙҙәре килеп һайлатыуҙарын сәй эсеп көтөп ултырһа ла була ине, юҡ, инәйебеҙҙең бындай мөһим ваҡытта йәне түҙеп ултыра буламы, республика башлығын да, ауыл депутаттарын һайлайҙар бит - процестың нисек барыуын үҙ күҙҙәре менән күргеһе килгән.

Ҡушарлап та киләләр һайлауға, эште бергә башҡарһаң, күңеллерәк бит. Хәмзә һәм Фәнисә Әлмөхәмәтовтар бар эште парлап эшләргә күнеккән, был йоланы улар бөгөн дә боҙманы.