Ынйылар коллективының Өфө ҡалаһына сәйәхәте фәһемле булды

Коллективҡа халҡыбыҙҙың моңона, йолаларына битараф булмаған апайҙар, абзыйҙар, ҡыҙҙар йөрөйҙәр. Әленән-әле яңы йырҙар, йолалар өйрәнем сәхнәгә сығарабыҙ. Фольклор коллективы заман менән бергә атлай тиер инем, йырлап- бейеп кенә ҡалмайбыҙ махсус операцияла ҡатнашҡан һалдаттарыбыҙға гуманитар ярҙам ебәреүҙә лә әүҙем ҡатнашабыҙ, балалар баҡсаһы, мәктәп уҡыусылары менәндә тығыҙ бәйләнештә эш алып барабыҙ. Батырға ла ял кәрәк тигәндәй, баш ҡалабыҙға сәйәхәтебеҙҙә эшлекле осрашыу менән ялыбыҙ үрелеп барҙы, Халыҡтар Дуҫлығы йортонан йәнле осрашыуҙан һуң, милли батырыбыҙ Салауат Юлаев һәйкәлен, Башкортостаныбыҙҙың милли музейын, Ғабдулла Туҡай мәсетен күреү бәхетенә ирештек. Шулай уҡ Сулпылар йортон, Дуҫлыҡ монументы, Әл-Рәхим мәсетен күреп шатландыҡ. Ә ауылдашыбыҙ Ләйсән Хәсән ҡыҙы Аҙнабаеваның, Өфө "Нур" татар дәүләт театырының "Кредитҡа ҡатын" исемле комедияһына билеттар бүләк итеүенә айырыуса ҙур рәхмәтлебеҙ! Сәйәхәтебеҙгә онотолмаҫлыҡ тәьҫораттар бүләк иткәндәре өсөн Халыҡтар Дуҫлығы Йорто диреторы Эльмира Самат ҡыҙына, директор урынбаҫары Рифат Зариф улына, ауылдашыбыҙ Ләйсән Хәсән ҡыҙына оло рәхмәттәребеҙҙе еткерәбеҙ! Еңел булмаған шулай уҡ яуаплы эшегеҙҙә ҙур уңыштар, ныҡлы һаулыҡ, именлек теләйбеҙ!!!