Халыҡ һәйкәле

Кемгә тип һорамай ҙа беләһегеҙ – махсус хәрби операцияла ҡатнашып, мәрхүм булған Мораптал биләмәһе ауылдарында тыуып-үҫкән егеттәр иҫтәлегенә. Беҙ был һәйкәлдең эшләнә башлауы тураһында яҙып торҙоҡ.

Венер Хәмитов, теге саҡ уларға барғанда, күрһәтеп торҙо: бик шәп альбом эшләгән икән, ошо стела асылыу тарихына бәйле альбом. Бик матур килеп сыҡҡан ул, идеяның барлыҡҡа килеү минутынан алып, бына әлеге көнгәсә тарихы сағыла унда. Ысын мәғәнәһендә халыҡ һәйкәле булыр был – морапталдар үҙҙәре аҡса йыйҙы был стелаға. Мул итеп йыйҙылар, изге эш өсөн икәнен береһенә лә аңлатып тороу кәрәкмәне.