-9 °С
Болотло
Бөтә яңылыҡтар
Әсәм теле - сәсән теле
11 Июнь 2023, 09:45
Дәрт өсөн рәхмәт
Сыуаштарҙың да кисә бәхетле көнө булды.
Дәрт өсөн рәхмәт
Күңелле күренеш: Өфөнән Сыуаш милли-мәҙәни автономияһы рәйесе урынбаҫары Юрий Михайлов Һабантуйға үҙе килгәйне. Әллә ҡайҙа ятҡан Туғай Кинйәһенә. Сәбәбе изге - сыуаш милләтен милләт булараҡ һаҡлаған шәхестәргә рәхмәт әйтеү. Әйтте. Уның ҡулынан сыуаш телен, мәҙәниәтен һаҡлауға һәм үҫтереүгә тос өлөш кереткән милләттәштәре Рәхмәт хаттары алды.
Маркова Зинаида Николаевна - Күмертау ҡалаһы Сыуаш мәҙәниәте ойошмаһы рәйесе,
Ворошилова Надежда Николаевна - Керәүле-Илюшкин мәктәбе директоры, сыуаш теле уҡытыусыһы,
Алексеева Надежда Васильевна – Павловка китапханаһы китапханасыһы,
Һәм, әлбиттә, райондың иң атаҡлы сыуашы ла онотолоп ҡалманы
Васильева Эльза Сәмииғулла ҡыҙы - Көйөргәҙе районы Йәмәғәт палатаһы рәйесе.
Беҙ был күренешкә ныҡ ҡыуандыҡ, милләтте һаҡлау, уны, етмәһә, үҫтерергә тырышыу - иң ауыр миссияның береһе. Ошо эштә беҙгә дәрт, дарман өҫтәгәнегеҙ өсөн ҙур рәхмәт, Юрий Павлович.
Новости партнеров