Телебеҙҙең бәҫен күтәрҙе

Чемпионат сиктәрендә Нефтекама нефть колледжы базаһында "Һөнәри эшмәкәрлектә дәүләт телдәре" компетенцияһы асылды.
Компетенцияның актуаллеге шунда: күп кенә ойошмаларға төрлө телдәрҙә аралаша белгән хеҙмәткәрҙәр талап ителә. Яңы компетенцияны индереү хеҙмәт баҙарында колледжды тамамлаусыларҙың конкурентлыҡ һәләтен арттырасаҡ, Рәсәй Федерацияһының субъекттарының дәүләт телдәрен белеү кимәленен күтәрәсәк. Был чемпионатта беҙҙең Күмертау педагогия колледжынан да ҡатнашыусы студентыбыҙ булды.
1 апрель көнө "Торатау" конгрес- холл залында ҡотлау тантаныһы үтте. Беҙҙең Күмертау педагогия колледжының "Мәктәпкәсә белем биреү бүлегенең 3 курс студенты Бикмөхәмәтова Эльвина "Һөнәри эшмәкәрлектә башҡорт теле" компетенцияһында ll урын яуланы. Компетенция башҡорт теленең дәрәжәһен, бәҫен тағы ла күтәреүсе, популярлаштырыусы бер сара булып тора. Эльвинаға уңыштар теләйем!
Рима АРЫҪЛАНОВА, Күмертау педагогия колледжының башҡорт теле һәм әҙәбиәте уҡытыусыһы