Педагогтарға рәхмәтлебеҙ

Ҡаҙағстан Республикаһы,Ҡурған,Пермь крайы, Силәбе, Татарстан Республикаһы,Ханты -Манси автоном округынан,Һамар һәм Ырымбур өлкәһенә илем, телем, халҡым тип яныусы 50 туған башҡорт теле һәм әҙәбиәте, өҫтәмә һәм мәктәпкәсә белем биреү ойошмалары уҡытыусыһы һәм 60 уҡыусы ҡатнашты.
Ырымбур өлкәһенән 8 кеше ҡатнаштыҡ: Октябрьск районының Имәнғол мәктәбенән Кузәхмәтова Рәмилә Миниәхмәт ҡыҙы,Александровский районы Котос мәктәбенән Әхәтова Альбина Миңлеғол ҡыҙы, Ырымбур ҡалаһының балалар баҡсаһы тәрбиәселәре Тимербаева АльбинаНәҡип ҡыҙы менән Зианбетова Эльвира Урал ҡыҙы, Красногвардейск районы Юлтый мәктәбенән Райманова Гөлсинә Зиннәт ҡыҙы, Ырымбур башҡорттары ҡоролтайы рәйесе ярҙамсыһы Ҡыуатова Лена Дауыт ҡыҙы һәм Төйлөгән районы Аллабирҙе дөйөм урта белем биреү мәктәбенән Хисамова Ләйлә Ирек ҡыҙы менән башҡорт теле уҡытыусыһы. Уҡыусыларыбыҙ төбәк-ара иншалар бәйгеһе призерҙары Диана Бикәнәева менән Фидәлиә Хисамовалар. Семинар туған башҡорт теле һәм әҙәбиәте уҡытыусыларының һөнәри оҫталығын арттырыу, педагогик эш тәжрибәһен дөйөмләштереүгә лә ярҙам итте.
Башҡортостан Республикаһының Мәғариф һәм фән министырлығы Өфөнөң фән һәм технологиялар университеты, М.Аҡмулла исемендәге Башҡорт дәүләт педагогия университеты, Башҡортостандың Мәғарифты үҫтереү институты менән берлектә эшлекле программа, ҡыҙыҡлы саралар әҙерләгән.
60 уҡыусы «Ғилем» этнобелем сменаһында бер-береһе менән аралашып, дуҫлашып, Башҡортостан һәм уның баш ҡалаһы Өфө тураһында бай мәғлүмәт тупланы.Өфөнөң тарихи-мәҙәни иҫтәлекле урындарын үҙ күҙҙәре менән күрҙе балалар.
Мостай Кәримдең «Өс таған» повесы буйынса фильм, Башҡортостандың беренсе халыҡ шағиры Мәжит Ғафури исемендәге Башҡорт академия драма театрының «Беҙ ...вариҫтар» спектакле туған телде һаҡлауға, яҡлауға һәм телебеҙ менән ғорурланырға этәргес көс булды.
Министырлыҡтындәүләт программаларын тормошҡа ашырыу һәм төбәк-ара хеҙмәттәшлек бүлеге етәксеһе Илгиз Әхтәм улы Сәлихов,етәксе белгес-эксперт Гөлсөм Байрамғол ҡыҙы Дилмөхәмәтова, Башҡортостандың Мәғарифты үҫтереү институты педагогтарына рәхмәтлебеҙ.
Сания Кузбаева, Ырымбур өлкәһе Төйлөгән районы Аллабирҙе дөйөм урта белем биреү мәктәбенең башҡорт теле һәм әҙәбиәте уҡытыусыһы