Алты ҡыҙ һәм бер егет

Бөгөн булған "Хеҙмәткә һәм оборонаға әҙер" фестивалендә ҡатнашҡан йәш ҡыҙҙар һәм егет. Беҙ ҙә, ҡарағас, ҡайҙалыр "Һылыуҡай менән Батырҡай" конкурсы булған да, белмәй, һемәйеп, матурлыҡ күреүҙән мәхрүм булып, ултырып ҡалғанбыҙ тип уйлағайныҡ. Был йәштәр - район хакимиәтенең  финанс идаралығында эшләгән кешеләр. Беҙ бит, иҡтисад, бухгалтерия, финанс эштәре тиһәң, өҫтәл артына оҙаҡ ултырыуҙан һөйәктәре ҡатҡан, ҡағыҙҙар, компьютер менән гел эшләп, күҙлек кейгән, мотлаҡ урта йәштәрҙе үткән кешене күҙ алдына баҫтырабыҙ. Ә бында.... Үҙегеҙ күрәһегеҙ. Хеҙмәттә лә, оборонала ла иң алғы рәттәргә ҡуйырлыҡ кешеләр тора.