Фарт тигәне кешегә тыумыштан биреләме, йәшәй торғас, ни ғиллә менәндер, әҙәмде үҙе һайлап йәбешәме, быны береһе лә аңлата алмаҫ, моғайын.
Шулай була: балыҡҡа тип бараһың, мәҫәлән, янда ғына, яр буйында һиңә терәлеп тиерлек ултырған кеше балыҡтарҙы бер-бер артлы һурып сығара ғына, һиңә, исмаһам, сәтәкәй бармаҡтайы ла эләкмәй.
Көйөпгәҙе районы Зәк-Ишмәт ауылынан Гөлназ Әҙеһәмованың, әллә күпме күҙәтеп ултыра торғас, ныҡ фартлы кеше икәненә инандыҡ. Балыҡ тота икән - иң еллеһен, еләк йыя икән - иң эреһен.
Әле бәшмәккә сыҡҡан. Беҙҙең дә урман-ялан ҡыҙырып, бәшмәк тип йөрөгән бар, әммә... Буш кәрзинде кире күтәрәһең дә ҡайтаһың. Ә Гөлназ... үҙегеҙ күрәһегеҙ.
Афарин, Гөлназ Флүр ҡыҙы, ғүмерең буйы ошо фарт һине ташламаһын.