Ахыры заман тигәне шулмы икән?

Шөкөр, оло һыу кире урынына ҡайта башланы, бөгөн хакимиәттә быйылғыһын үткәрҙек ахры тип еңел тын алып ултыралар ине. Хәҙер һыуҙан ҡалған тишек-тошоҡто ямарға ғына ҡалды.

Был ташыуҙы ҡалталар тиҙ генә онотмаҫ, балыҡ тотайыҡ тип сыҡһалар (ташҡындан һуң балыҡ күп бында), балыҡтар менән бергә бына ошо йән эйәһен дә тотҡандар. Һигеҙаяҡ. Русса әйтһәк, осьминог. Бындай януарҙы бында ғүмер иткән йөҙйәшәр бабайҙар ҙа күргәне юҡ, беҙгә фото ебәргән кешеләр ғәжәп итеп (уны ашарға яраймы, яраһа, нисек итеп әҙерләйҙәр һигеҙаяҡты, табаға һалып ҡуралармы, һурпалы аш итеп бешерәләрме) ултыралар: Ахыры заманы етеүе ошолайыраҡ буламы икән?