Рәхмәт, ишәк

Ҡасан ишетмә, һәр саҡ ишәк исемен алама ғәҙәт-ҡылыҡҡа бәйләйҙәр.
Бер ҡасан да ишәк һымаҡ матурһың йәки ишәккә оҡшап етеҙһең тип сағыштырып, кешене маҡтамайҙар.
Ә бит ишәк шулай уҡ йән эйәһе, үҙ холҡо, үҙ матурлығы менән. Бына әле Көйөргәҙе егеттәре янына килгән ишәкте ҡарағыҙ, торғаны менән дөлдөл, бәһелеүән. Икмәк сәскән эшселәргә ярҙам иткән, һабан тағып ер һөрмәгән, ә күңелдәрен күргән. Был да бик кәрәк - күңелле итеп сәскән игенде күңелле тормошта йәшәп ашарбыҙ. Рәхмәт, ишәк.