Бел ҡәҙерен йәйҙәреңдең...

Йәй – миҙгелдәрҙең, моғайын, иң күңелле мәлелер. Һәр кем уны мәңге хәтерҙә ҡалырлыҡ итеп үткәрергә тырыша, бер минутын да әрәм итергә ярамай – кем еләк йыя, бәшмәк, башҡаһын, кем диңгеҙ буйҙарына барып ҡайта, башҡа яҡтарға сәйәхәт ҡыла, бесән әҙерләй, йорт һала...

«Юшатыр» гәзите матур миҙгелдә һеҙҙең матур мәлдәрегеҙҙе мәңгеләштереү маҡсатында конкурс иғлан итә  - “Бел ҡәҙерен йәйҙәреңдең...”.  Һеҙҙән фотолар, ҡыҫҡаса мәғлүмәт көтәбеҙ.

Йылдар үткәс, бер көндә бөгөнгө фотоларға һағынып ҡарап,

Бел ҡәҙерен йәйҙәреңдең,

Бел ҡәҙерен ил-көнөңдөң,

Бел ҡәҙерен ғүмереңдең, —

Ғүмеркәйҙәр аҙ ғына, тип бергәләшеп йырлашып ултырырлыҡ булһын!

Фотола: Яңы Таймаҫта йәшәгән Зәйнуллиндар йәйҙәрен ошолай күңелле үткәрә.