Бала саҡҡа ҡайтыу

Яңы Таймаҫ мәктәбен (хәҙер ул Р. Солтангәрәев исемендәге гимназия) бынан 20 йыл элек бөтөп, төрлөһө төрлө яҡҡа таралышҡан балалар, юбилейыбыҙ тип, бергә осрашырға булған. Маңлайҙа аҙ-маҙ һырҙар, баштарында саҡ ҡына сал сәстәр барлыҡҡа килгән ир-ат, ҡатын-ҡыҙҙы ниңә балалар тип яҙаһығыҙ? Таймаҫҡа килер алдынан улар ҙа шулай уйлаған булған (тормошта үҙ урыныбыҙҙы таптыҡ, балалар бар, өй һалдыҡ, ағас ултырттыҡ), әммә мәктәптәренә килеп инеүҙәре булған - кире бала-сағаға әйләнгән дә ҡуйғандар. Йөҙҙәрендә шатлыҡ, аҙ ғына һағыш та бар, туған төйәктәре, уҡытыусылары һағындырған...
- Бынау парта артында һин ултырҙыңмы әле?
- Эйе, һин арттан гел сәсемде тартҡылап ултыра торғайның....