Матурҙы тартыр

Ошолай тип белмәй әйтмәгәндәр икән. Күмертау ЗАГСы, сибәр ҡыҙҙай булып, әллә ҡайҙан уҡ үҙенә ылыҡтырып, балҡып ултыра хәҙер. Бөгөн уның янына, ЗАГСтың үҙенә тап килерҙәй генә, сибәр халыҡ йыйылған. Бында кешеләрҙе яраштыра-ҡауыштыра, ҡайһы саҡ айырып та ебәрә торған органдың зональ кәңәшмә-семинары үтте.

Кәңәштәрегеҙ береккәндер тип ышанғы килә, айырылыуға ҡарағанда ҡауышыуҙар, киткәнгә ҡарағанда, килгәндәр күберәк булһын ине. Тормошоғоҙ ҙа, үҙегеҙгә сама килерҙәй, гүзәл булһын, матурлығығыҙ гел матурҙы, яҡшылыҡты тартып торһон.