Ауылыбыҙға йəм өҫтəүселəр

Фәрит Ғилман улы һәм Флүрә апа бына инде 50 йыл ҡулға-ҡул тотоноп, бәхет, мөхәббәткә генә төрөнөп йәшәй.
Фәрит Ғилман улы ғүмере буйы уҡытыусы булып эшләп, балаларға төплө белем биреп, оло юлға аяҡ баҫтырҙы. Флүрә апа уның өсөн һәр ваҡытта ла таяныс булды. Күркәм пар ике ҡыҙ, бер улға ғүмер бирҙеләр. Балалары ла ата-әсәһенән өлгө алып, матур донъя көтәләр.
Ошо көндәрҙә Флүрә апа һәм Фәрит ағайҙы күркәм юбилейҙары менән ҡотларға тип районыбыҙ етәксеһе вазифаһын ваҡытлыса башҡарыусы Сәйфуллин Азамат Зәкәриә улы һәм Свобода ауыл биләмәһе башлығы Рахманғолов Фәнис Мансур
улы килеп киттеләр. Улар өлгөлө ғаиләгә киләсәктә лә оҙон-оҙаҡ йылдар ҡулға-ҡул тотоноп, иңгә-иң терәшеп йәшәүҙәрен теләнеләр, йәштәр өсөн матур өлгө булып тороуҙары өсөн рәхмәттәрен дә еткерҙеләр...

Альфира БИҠҠОЛОВА, Тимербай ауыл китапханасыһы

Хат тулы вариантта гәзиттә баҫылды.