17 июлдә Көйөргәҙе районына тағы ла ҡунаҡтар килә. Быны, ауыҙ тултырып, байрам тип әйтерлеге барҙырмы - Финанс министрлығынан вәкилдәр килә, ҡоролтай ҙа буласаҡ, әлбиттә.
Ниңә аҡсаға бәйле ведомство ҡапыл килер булған - "Айыҡ ауыл" конкурсында район өс йыл рәттән алдынғы урындарҙы алды, аҡсаһы ла, билдәле, арыу ғына тамды. Ошо аҡсаларҙы урындағылар тәләфләп бөтмәгәнме, нисек тотонған - шуларҙы үҙ күҙҙәре менән күрмәкселәрҙер, моғайын. Яҡшымбәт, Кинйә-Абыҙ, Яҡут - маршруттары ошо ауылдар аша үтәсәк. Был ауылдарҙа йәшәгән бер нисә шәп кешене бүләкләп тә китәсәктәр.