Яманһарыға тауыш бирәм тиһәм...

«Айыҡ ауыл» конкурсында ҡатнашҡан ауылдар өсөн, йәнтисләм килеп, тауыш биреү башланды.

Һәр кем тап үҙенең ауылы үтеүен, отоуын теләй, шуға, ҡулдан нисек килә, шулай булышлыҡ итә башланылар. Төп платформа – ВК. Башҡалары ла эшкә егелде, әлбиттә, әммә күбеһе тап ошонда ултыра кеүек. Тик, ни ғиллә, ВК беҙҙең еңгәнде теләмәй булып сыҡты – Госуслугаға ебәрмәй. Тауыш бирәм тиһәң, «тегендә» индермәй. Баш ҡата торғас, әле Ҡоролтайға шылтыраттыҡ. Улар был турала белмәй ҙә булып сыҡты, тәү шылтыратҡан кеше һеҙ тинеләр. Үҙҙәре инергә самаланы – юҡ, булмай. Әммә тауыш биреү бара, тип тынысландырҙылар, тимәк, башҡа платформалар аша тырышалар.

Беҙ ҙә тырышайыҡ, ВК-ға ышаныс бөттө, әммә уның бүтән юлдары бар. Яманһары, әйткәндәй, әле бишенсе урында бара - 406  тауыш.