Мәңгелек булһын был көн

Яҙмыш ҡушыуы шулайҙыр - тап ошо көндә һеҙҙең иң бәхетле көнөгөҙ - сәстәрегеҙ сәскә бәйләнгән, йәндәрегеҙ бергә ҡушылған көн - Никах туйығыҙ көнө!
Линара ҡыҙыбыҙ, Айҙар кейәүебеҙ! Бөгөн һеҙҙең менән бергә беҙ ҙә шатланабыҙ, һеҙҙең менән бергә беҙ ҙә бәхетле, һеҙҙең кеүек беҙ ҙә матур. Артабанғы бергә үтер оҙон юлығыҙ тигеҙ, яҡты булһын, донъяға үҙегеҙ һымаҡ матур балалар яралтырға яҙһын. Бергә йәшәр һәр көнөгөҙ Матурлыҡ көнөнә әйләнһен, бәхетегеҙ ғүмерлек булһын.
Һеҙҙең ҡотлап, әтиегеҙ, әнәйегеҙ, абзыйығыҙ.