Һиңә ҡарап һәр саҡ һоҡланабыҙ

Ялсыҡай ауылы
Беҙҙең өсөн ғәзиздәрҙән-ғәзиз, иң яҡын кешебеҙ, һөйөклө тормош иптәшем, яратҡан әсәйебеҙ, ҡәйнәбеҙ, балаларыбыҙҙың хәстәрлекле өләсәһе - Зөлфиә Әҡсән ҡыҙы ҮЛМӘҪБАЕВАны күркәм ғүмер байрамы - 60 йәшлек матур юбилейы менән ҡайнар ҡотлайбыҙ!
Изге йөрәкле, ярҙамсыл, ҡәҙерле һәм яҡын кешебеҙ, киләсәк көндәрең өмөт менән тулы булып, ғүмер йомғағың шатлыҡ-һөйөнөстәргә генә тулып тәгәрәһен. Тормош ауырлыҡтарына бирешмәй, сабыр булып, һәр атҡан таңға, яуған ҡарҙарға, килгән яҙҙарға, аҡҡан һыуҙарға һоҡланып, үткән ғүмергә үкенмәй, балаларыңдың изгелеген күреп, әлегеләй изге күңелле, алсаҡ йөҙлө булып, оҙон-оҙаҡ бәхетле ғүмер кисерергә яҙһын.
Һин булғанға донъябыҙ йәмле, йәнле, һинең фатихаң менән аҙымдарыбыҙ ышаныслы, бәхетебеҙ тулы, уйҙарыбыҙ яҡты. Хоҙай үҙеңде сәләмәтлектән, бәхеттән, күңел тыныслығынан айырмаһын, әнәй! Оҙон ғүмер, күңелеңдәге йән йылыһының нуры һүнмәйенсә, һүрелмәйенсә, беҙгә, балаларыңа, йәшәйеш сығанағы булып тороуыңды теләйбеҙ.
Юбилейың, әсәй, гөрләп үтһен,
Шатлыҡ менән тулһын күңелең.
Һиңә ҡарап һәр саҡ һоҡланабыҙ,
Һин йәмләйһең, әсәй, өй түрен.
Рәхмәт әйтеп һиңә баш эйәбеҙ,
Һис бирешмәй йәшә, мең йәшә.
Һәр көнөңдә һире яратыусы
Балаларың булһын йәнәшә!
Иң изге теләктәр менән тормош иптәшең Азамат, улдарың Айбулат, Илһам, килендәрең Алина, Әдилә, ейән-ейәнсәрең Лиана һәм Рамазан.