Сағыу буяуҙарҙан торһон тормошоң

Ялсыҡай ауылында тыуып үҫкән, бөгөнгө көндә ғаиләһе менән Әлшәй районы Раевка ҡасабаһында матур итеп донъя көткән ҡәҙерле һәм яҡын кешебеҙ, яратҡан ҡыҙыбыҙ, һылыуыбыҙ, апайыбыҙ - Гөлназ Зөфәр ҡыҙы СӘЛИМОВАны йәшлегенең күркәм байрамы - 30 йәшлек юбилейы менән ҡайнар ҡотлайбыҙ!
Ҡәҙерлебеҙ, һине күркәм байрамың менән ысын күңелдән ҡотлап, иң изге, яҡты, матур теләктәребеҙҙе юллайбыҙ. Киләсәктә лә тормошҡа йәм биреп, кейәүебеҙ менән оҙаҡ йылдар һоҡланғыс пар булып, аҡ бәхеттәргә генә төрөнөп, ейәнебеҙҙең шатлыҡтарына һөйөнөп йәшәгеҙ. Һеҙгә бәхет-шатлыҡ, һаулыҡ-сәләмәтлек, башлаған эштәрегеҙҙә һәм яулаған үрҙәрегеҙҙә уңыштар теләйбеҙ.
Ҡәҙерлебеҙ беҙҙең! Һәр ваҡыт шулай алсаҡ йөҙлө, шат күңеллле, ярҙамсыл, аҡыллы булып ҡал. Тормошоң сағыу буяуҙарҙан торһон һәм дә барлыҡ теләктәрең тормошҡа ашһын! Яныңда бары тик ихлас, тоғро, ышаныслы дуҫтарың һәм изге күңелле кешеләр генә булһын.
Юбилейың һымаҡ йәмле булһын
Йәшәр йылдарыңдың ағышы.
Дәрт-дарманлы булһын хыялыңдың
Йәшәр өсөн ҡанат ҡағышы.
Ғүмер юлдарыңа аҡ нур һипһен
Тыуыр таңдарыңдың балҡышы.
Томбойоҡло күңел күлдәреңдең
Йәшә булып гүзәл аҡҡошо!
Иң изге теләктәр менән әтейең Зөфәр, әнейең Рәхимә, абзыйҙарың Урал, Фәнил, Азат, еңгәйҙәрең Айгөл, Зинира, Гүзәл һәм уларҙың балалары.