Рәхмәт әйтеп, баш эйәбеҙ

Яҡшымбәт ауылы
Иң ҡәҙерле, ғәзиз һәм яҡын кешебеҙ, яратҡан әнейебеҙ, хәстәрлекле ҡәйнәбеҙ, өләсәйебеҙ - Зәйтүнә Закир ҡыҙы ӘЛИМБӘКОВАны күркәм юбилейы - 85 йәше тулыуы менән ҡайнар ҡотлайбыҙ!
Ҡәҙерлебеҙ, беҙгә, дүрт балаңа ғүмер бүләк итеп, лайыҡлы тәрбиә биреүеңә рәхмәт әйтеп, баш эйәбеҙ һәм ошо байрамыңда иң изге, иң йылы, иң матур теләктәребеҙҙе юллайбыҙ. Ҡәҙерлебеҙ, һиңә иҫәнлек, ныҡлы һаулыҡ, ҡайғы-хәсрәтһеҙ көндәр, йән тыныслығы теләйбеҙ. Киләсәктә лә тормоштан йәм табып, балаларыңдың изгелеген күреп, тыуған йортобоҙҙың ҡото булып, оҙон-оҙаҡ бәхетле тормошта йәшәргә яҙһын!
Күңел күгең һәр саҡ аяҙ булһын,
Ситләп үтһен һағыш-борсоуҙар.
Ныҡлы сәләмәтлек юлдаш булһын,
Унан ҡиммәтлерәк нимә бар.
Гел шатланып йәшә, хәсрәт күрмә,
Тыныс булһын һәр саҡ күңелең.
Бәрәкәтле, матур тормош һиңә,
Ҡояштарға тиңе ғүмерҙең.
Иң изге теләктәр менән ҡыҙҙарың Розалия, Рушания, Лилиә, Филиә, кейәүҙәрең Азат, Наил, Рәвил, Ринат, ейән-ейәнсәрҙәрең, бүләң.