Оҙаҡ йәшә, әсәй, мәңге йәш бул!

Яңы Муса ауылы
Ҡәҙерле тормош иптәшем, әсәйебеҙ, өләсәйебеҙ Нәсимә Хәсән ҡыҙы КӘРИМОВАны 75 йәшлек юбилейы менән ҡайнар ҡотлап, йөрәк түренән сыҡҡан иң изге теләктәребеҙҙе еткерәбеҙ.
Һөйөклөбөҙ, гел шулай тормош матурлығына ҡыуанып, йөҙөңдәге алсаҡлығыңды юғалтмай, күңелеңдәге ихласлыҡты һаҡлап йәшә. Күңелеңдән – тыныслыҡ, тәнеңдән – сихәт, тормошоңдан именлек бер ваҡытта ла китмәһен, яҡындарыңдың һәр шатлығын, һәр көйөнөсөн үҙенә һыйҙырған йөрәгең бер ҡасан да борсолоуҙарҙы белмәһен. Балаларыңдың изгелеген күреп, йортобоҙҙоң яҡты нуры булып, донъя рәхәтлектәре кисереп, бәрәкәтле мул тормошта йәшә!
һин булғанда донъябыҙ йәмле, фатихаларың менән аҙымдарыбыҙ ышаныслы, юлдарыбыҙ яҡты. Биргән тәрбиәң, кәңәштәрең өсөн мәңге рәхмәтлебеҙ, һинең алда баш эйәбеҙ, хөрмәт итәбеҙ һәм яратабыҙ!
Һин бит, әсәй, беҙҙең өсөн ҡояш,
Һинән нурҙар алып йәшәйбеҙ.
Оҙаҡ йәшә, әсәй, мәңге йәш бул,
Иң ҡәҙерле яҡын кешебеҙ!
Наҙлап ҡына үҫтерҙең бит беҙҙе,
Керпек ҡаҡмай, һөйөп ҡулыңда.
Һинең ғүмер балҡый
маяҡ булып
Беҙ үтәһе тормош юлында!
Иң изге теләктәр менән барлыҡ туғандарың исеменән тормош иптәшең Зәйнулла, ҡыҙың Рәсимә, улың Венер, кейәүең Раил, киленең Луиза һәм ейән-ейәнсәрҙәрең, бүләрең.