Байрамың менән, юбиляр!

Көйөргәҙе буйҙарын,
Йүгереп-йүгереп буйланым.
Буйланым да бер ултырып,
Үткәндәрҙе уйланым.
Хөрмәтле Зиннур Закир улы ИСХАҠОВты 70 йәшлек күркәм юбилейы менән ҡотлайбыҙ! Әгәр беҙҙең атай-бабайҙарыбыҙ бөгөн иҫән булһа, һеҙең тормош юлығыҙҙы күреп "Лайыҡлы йәшәйһең, улым!" тип әйтерҙәр ине. Һеҙ ауылыбыҙҙың ғына түгел, бар бошман ҡыпсаҡ ырыуы ғорурлығы! Башҡорт халҡы батыры Салауат Юлаев ордены ла лайыҡлы биҙәй һеҙҙең күкрәгегеҙҙе.
Рәсәй Федерацияһының хөрмәтле нефть һәм газ сәнәғәте хеҙмәткәре, Башҡортостан Республикаһының атҡаҙанған нефтсеһе, Көйөргәҙе районының хөрмәтле гражданины - һеҙҙең фиҙаҡәр хеҙмәтегеҙҙең күрһәткестәре.
Беҙ Туғай Кинйәһенең бөгөнгө вәкилдәре юбилей байрамығыҙ менән ҡайнар ҡотлап, һеҙгә тапҡан малығыҙҙың файҙаһын күреп, үҫеп етеп килгән матур балаларығыҙҙан ҡыуаныс алып, сәләмәт булып, татыу ғаилә менән оҙон-оҙаҡ бәхетле ғүмер итеүегеҙҙе теләйбеҙ. Байрамың менән, юбиляр!
Ауылдаштарың.