Күҙ ҡараһы кеүек һаҡлаһын!

Халҡыбыҙ батыры Кинйә Арыҫланов вариҫтарының береһе, "Южурал-Ойл" яуаплылығы сикләнгән йәмғиәтенең генераль директоры, "Атайсал" республика проектына ҙур өлөш индереүсе, оло бағыусы, төрлө халыҡ ойошмаларының әүҙем ағзаһы Зиннур Закир улы ИСХАҠОВты 70 йәшлек юбилейы менән ҡайнар ҡотлайбыҙ.
Һеҙгә ысын күңелдән ныҡлы һаулыҡ, бәхет, бөтмәҫ-төкәнмәҫ көс, ғаилә именлеге теләйбеҙ.
Ҡала һәм район йәмәғәт, мәҙәниәт, спорт, дини, хәрби ойошмаларына башҡарған намыҫлы, уңышлы хеҙмәтегеҙ һәм халыҡтың көнүҙәк мәсьәләләрен хәл итеүҙә күрһәткән ярҙамығыҙ өсөн оло рәхмәтлебеҙ.
Киләсәктә һеҙгә иҫәнлек-һаулыҡ, именлек, эшегеҙҙә ҙур уңыштарға ирешеүегеҙҙе теләйбеҙ.
Шатлыҡ-һөйөнстәр ташламаһын,
Борсоу-михнәт ҡапҡа ҡаҡмаһын.
Хоҙай һеҙҙе милләтебеҙ өсөн
Күҙ ҡараһы кеүек һаҡлаһын!
Көйөргәҙе районы башҡорттары ҡоролтайы башҡарма комитеты